Мөгаллим язмалары

Максат: Гаиләләрне бергә туплау. Ата-аналар белән балаларның бердәмлеккә омтылу теләген ныныту, дус-тату төркем туплау.

1.Кереш өлеш. -Хәерле кич, хөрмәтле әти- әниләр, килгән канаклар, җюри әгъзалары! Бер күрешү-үзе бер гөмер, -дип Бабайлар бит юкка әйтмәгән. Бер очрашып, серләр белешү Бу гадәтләр әле бетмәгән.

2.Төп өлеш. -Һәр баланың семьясы бар. Анда аны яраталар, аның турында кайгырталар. Гаилә – дәүләтнең нигезе диләр. Ул нык булса, дәүләт тә нык була.Кешегә һәрвакыт пар канат,кайтып сыеныр өчен җылы учак, тыныч почмак кирәк..Ул почмак- гаилә учагы.Бәхетле гаиләләргә карап без сокланабыз, үрнәк алырга тырышабыз. Гаилә кеше тормышында иң мөһим, иң кирәкле нәрсә. Бүген без зурлар төркеме әти- әниләре белән үзенчәлекле ярыш- бәйгегә җыелдык.

I тур. “Нәрсә ул гаилә” Ул… Ике командага ватман,фломастер бирәбез. Һәрбер команда гаиләне ничек тасвирлавын ватманда рәсем белән күрсәтә.

II тур   Туган авыл тарихы. 1.”Сарман” исеме нәрсә аңлата?(Сарман бабай исеме белән бәйле). 2.Сарман авылы ничәнче елда төзелгән?(1737) 3.Сарманнан чыккын шәхесләрне санагыз(А.Гыйләҗев,Х.Хәйруллин…) 4.Безнең район нәрсә белән шөгыльләнә?(Игенчелек, терлекчелек,нефть…)

III тур Мәкальләр әйтәбез.”Ахырын әйтеп бетер!” Гаилә – гомер…(чишмәсе) Атасы кем-…(улы шул)

IV тур Әтиләр акчаны эшләп таба, ә менә аны санау- безнең эш. Без, әниләр , акчаны саный беләбез микән?Акча саный-саный, сорауларга җавап бирик. -Балаң кайсы төркемгә йөри? -Аңа ничә яшь ?…

V тур Рәсем буенча әнгәмә, анализ.

3 Йомгаклау. Бу дөньяда ничек яшәсең дә Агымсудай вакыт тиз үтә Уфтанмаслык булсын гомер юлы Татулыкка җирдә ни җитә? Сезгә тыныч,матур тормыш теләп калабыз! Күчереп алырга

Тагын бер планны карагыз: Гаилә бәйрәме.

Сарман муниципаль районы мәктәпкәчә белем бирү муниципаль бюджет учреждениесе гомум үсеш төрендәге 3нче “Ләйсән” балалар бакчасы тәрбиячесе Фәсхетдинова Гөлфинә Алмас кызы Тема: “Тату гаилә – бәхет башы” (Уртанчылар төркемендә ана теле эшчәнлеге)

Максат: “Гаилә” төшенчәсенең тирәнлеген аңлау ,үз гаиләсе әгъзаларына ихтирам тәрбияләү өчен  җирлек тудыру.Балаларның сөйләм телләрен,иҗади мөмкинлекләрен,үзара аралашу күнекмәләрен үстерү.Гаилә турында күзаллау формалаштыру. Кереш өлеш: -Балалар,кәефләрегез ничек? Сез бүген аеруча шат,матур күренәсез,сәбәбе нәрсәдә икән? (матур күлмәк кидем,көн матур,дусларым күп,эти-энием бар….)Ә минем кәефемне бер матур җыр күтәрде.Әйдәгез аны бергәләп тыңлыйк әле. Аудио язмада “Безнең гаилә” җырын тыңлау. -Балалар җырны  кем башкара?  -Ничек уйлыйсыз-нәрсә ул гаилә? -Гаилә ни өчен кирәк? -Без гаиләләребез белән кайда яшибез? Гаилә – ул тормышның нигезе.Безнең барыбызга да әти-әни гомер биргән,безне әти-әниләребез тату,матур гаиләдә тәрбиялиләр.Ләкин гаиләләрнең төрлесе була. (Экранда ике төрле  йорт рәсеме.) -Әйтегез әле сез бу йортларның кайсысында яшәр идегез? Ни өчен бу йортны сайладагыз? Ничек уйлыйсыз,бу йорт ни өчен шулай матур? Аннан җылылык бөркелеп тора.Анда  нинди гаилә яши? (Тату,Эшчән,ярдәмчел,ягымлы….).Ә икенче йорт ник ошамады? Ул нинди? Нигә ул шундый ташландык хэлдә?(Балалар җаваплары: ялкау,тәртипсез, гаугалы..) Балалар,бу йортта өлкән яшьтәге кешеләр дә яшәргә мөмкин бит.Нигә аларның өйләре шулай җимерек хәлдә ?Аларга кем ярдәм итәргә тиеш соң? (Балалары,туганнары,күршеләре,без…) Бу йортта яшәүче гаиләгә сез нинди киңәшләр бирер идегез?Әйдәгез  үзебезнең теләкләребезне кояш нурларына кушып бирик,Һәрберегез берәр теләк әйтеп кояшка нурлар ябыштырыйк.Кояшыбыз сезнең теләк-киңәшләрегездән елмаеп үзенең җылысын тирә-юньгә сипте.Хәзер бу кояш нурларының бу йортта яшәүче гаилә әгъзаларына барып җитүен телик.Түгәрәккә басып кулны -кулга тотышып күзләрне йомыйк,теләкләребезне янадан кабатлыйк.(Экранда яңартылган йорт рәсеме ) Балалар ә сез үзегез нинди гаиләдә яшисез? (сорау-җавап) Тулысынча

Татарстан Республикасы Әгерҗе шәһәре муниципаль бюджет гомуми белем бирү учреждениесе ' 2 нче номерлы урта гомуми белем бирү мәктәбе'нең татар теле һәм әдәбияты укытучысы Сабитова Лилия Зөфәр кызы. Тема: Бер мәгънәле һәм күп мәгънәле сүзләр (3нче сыйныф татар төркеме) .

Максат: Бер мәгънәле һәм күп мәгънәле сүзләр турында төшенчә формалаштыру; Бер мәгънәле һәм күп мәгънәле сүзләрне аңлау өчен шартлар тудыру 3.Туган җиребез табигатенә мәхәббәт тәрбияләү. Танып белү эшчәнлеге: Уку мәсьәләсен куя белү . Танып белү активлыгын үстерү. Чагыштыру, анализ, гомумиләштерү, нәтиҗә ясау күнекмәләрен камилләштерү. Регулятив эшчәнлек: Уку мәсьәләләрен мөстәкыйль билгеләү. Уку операцияләрен планлаштыру. Белем алуның рациональ ысулларын сайлау. Мөстәкыйль белем алу буенча эшне планлаштырырга өйрәнү . Коммуникатив эшчәнлек: Төркемнәрдә эшли белү. Кагыйдәләрне аңлап, эзлекле сөйли белү. Сорауны формаштыра белү һәм тулы җавап бирә белү. Шәхси эшчәнлек: Мөстәкыйль эшчәнлекне оештыру. Үз эшчәнлегеңне планлаштыра белү. Эшчәнлегеңне анализлау , аңа бәя бирү. Бурычлар: 1.Белем бирү максаты:  Сүзләрнең туры һәм күчерелмә мәгънәләре. Тулысы белән

Әгерҗе шәһәре муниципаль бюджет гомуми белем бирү учреждениясе “2нче урта гомуми белем бирү мәктәбе”нең татар теле һәм әдәбияты укытучысы Фәтхуллина Гөлгенә Алмаз кызы . Рус мәктәбенең 3нче сыйныфында (татар төркеме) татар теле дәресенең план-конспекты.

Тема: Зат алмашлыклары Максат: 1. Зат алмашлыкларын өйрәнү. 2. Зат алмашлыкларын җөмләләрдән табу һәм диалогик сөйләмдә дөрес куллана белү осталыгына ирешү. 3. Туган телдә аралашуга омтылыш тәрбияләү. Дәрес тибы: Яңа белем ачу дәресе. Җиһазлау: Компьютер, экран, дәреслек, музыка. Технология: Эшчәнлекле метод технологиясе, сингапурча “Плейсмэт консенсус (Килешү картасы)”, “Микс-фриз групп”, “Раунд тэйбл” структуралары. Дәрес планы. I. Мотивлаштыру, ориентлаштыру. 1. Дәреснең темасын, максатын билгеләү. 2. Уку мәсьәләсен кую. II. Уку мәсьәләсен чишү. 3. Аңлауны беренчел тикшерү. 4. Белемнәрне ныгыту. 5. Үз-үзеңне тикшерү. III. Рефлексия. 6. Йомгаклау. 7. Өй эше бирү. Дәрес барышы. – Хәерле көн, укучылар! – Исәнмесез, укытучы апа, хәерле көн сезгә! – Ә хәзер биткә-бит, җилкә парларын сәламлибез. – Бүген сыйныфта кем кизү? (Кизү укучы чыгышы). Мотивлаштыру 1. Экранда 1нче слайд. УК. Рәсемнәрне игътибар белән карагыз әле. Без кемнәрне күрәбез? Укучы. Алсу, Булат, Руслан, Фәрит абый (балалар). УК. Алсу әйткән сүзләр кайсы сүзләрне алмаштырган? Алсу үзен кем дип атый? Укучы. Мин. УК. Алсу Булатка кем дип эндәшә? Укучы. Син. УК. Алсу янына Руслан килеп баса. Ул аңа кем ди? Укучы. Ул. УК. Син һәм ул икесе бергә кем була? Укучы.Без. УК. Алсу Булат белән Русланга кем дип дәшә? Укучы. Сез. УК. Калганнарга кем дип әйтәбез? Булат, Руслан,Фәрит абый – барысы бергә кем булалар? Укучы. Алар. УК. Укучылар, Алсу, Булат, Руслан, Фәрит абый сүзләренә сораулар куеп карыйк әле? Тулысы белән

Казан шәһәре Идел буе районының “114нче гомуми урта белем бирү мәктәбе” гомуми белем муниципаль бюджет учреждениесенең татар теле һәм әдәбияты укытучысы Шәрәфетдинова Ләйсән Вазыйх кызы. Тема: Мәхәббәттән җырлар кала. 11 сыйныфта А.Яхин концепиясе нигезендә һәм Ә.З. Рәхимовның иҗади үсеш технологиясенә корылган дәрес эшкәртмәләре.

Бүлек темасы  (Әсәр исеме, авторы) М. Кәбировның “Мәхәббәттән җырлар кала” повесте: сәгатьләр саны 3 сәгать. Планлаштырылган дәресләрнең темалары: 1нче дәрес темасы: М. Кәбировның “Мәхәббәттән җырлар кала” повестеның сюжеты. 2нче дәрес темасы:  “Мәхәббәттән җырлар кала” повестена анализ. 3нче дәрес темасы:  “Мәхәббәттән җырлар кала” повестенда бүгенге көннең хатын-кыз образы. Максатлар 1) дидактик: Укытучы белән укучы мөнәсәбәте аша эчтәлекне үзләштерү (сюжет сызыгы буенча вакыйгаларны аерып алу, уку мәсьәләсен куеп, повестька анализ ясарга өйрәнү. Күтәрелгән проблеманы, идеяне, чишелешне укучылардан таптыру. Өйрәнелгән әсәрдә бүгенге көннең хатын-кыз образының бирелешен аңлау). М. Кәбировның биграфиясе белән танышу; 2)  үстерешле: фикер эшчәнлеге өчен гомуми җирлек булдыру (анализ вакытында туган фикерләрне таркатырга, чагыштырыга өйрәнү. Иҗади фикерләүне үстерү); 3) тәрбияви: тормыш тәҗрибәсе туплау, геройларның гамәлләренә бәя биреп, яшәү фәлсәфәсе турында уйлануны булдыру. Тугрылык, хөрмәт хисләрен үстерү, бер-береңнең кадерен белергә өйрәнү. Сәнгать әсәре тудырган М. Кәбировка ихтирам хисләре тудыру. Планлаштырылган нәтиҗәлелек Предмет  буенча: Әсәргә анализ ясау ысулларын үзләштерү, әсәрнең сюжетын синтезлый белү, автор кулланган алымнарны табарга өйрәнү, әсәрнең темасын,идеясен, проблемасын, автор фикерен билгеләргә өйрәнү. Әсәрне укый белү, укыганны үз сүзләре белән сөйләп бирү һәм әсәрнең катнашучыларын табу,  персонажларын, төп персонажны   аерып ала белү күнекмәләрен үстерү. Метапредмет: Бәхәсләрдә катнашу, оппонентларның фикерен исәпкә алып, үз карашларыңны раслау һәм дәлилләү күнекмәләренә ия булу. Дөрестән дөрес түгелне аера белү, нәтиҗәләр формалаштыру, укыганны анализлау. Шәхескә кагылышлы:  Тормыш тәҗрибәсе туплау, геройларның гамәлләренә бәя биреп, яшәү фәлсәфәсе турында уйлануны булдыру. Тугрылык, хөрмәт хисләрен үстерү, бер-береңнең кадерен белергә өйрәнү.

Беркетелгән файл

Сарман муниципаль районы мәктәпкәчә белем бирү муниципаль бюджет учреждениесе гомуми үсеш төрендәге 3 нче “Ләйсән” балалар бакчасы тәрбиячесе Фәррәхетдинова Люция Рафаэль кызы.

Тема: “Йомры икмәкнең юлдагы маҗаралары”. Танып белү өлкәсе буенча юл йөрү кагыйдәләрен өйрәнү өчен заманча төзелгән борынгы әкият. (Уртанчылар төркемендәге балалар өчен ачык шөгыль конспекты). Максат: юл йөрү кагыйдаләре һәм юл билгеләре турындагы белемнәрен киңәйтү. – җәяүлеләр өчен булган кагыйдәләрне искә төшерү һәм ныгыту; – юл билгеләрен төрләре буенча танып белүне ныгыту һәм камилләштерү; – балаларда игътибарлылык, күзәтүчәнлелек тәрбияләү; – урамда, машина хәрәкәте урыннарында үз-үзеңне дөрес тоту күнекмәләрен ныгыту; – фикеләү сәләтен үстерү; – светофорның әһәмиятен искә төшерү. Җиһазлар: юл билгеләре, светофор, биремле карточкалар, биремнәр, магнитофон.у.м.к. Алдан эшләнгән эш: куркынычсызлык турында әңгәмә үткәрү, шигырьләр ятлау, җырлар тыңлау. Сүзлек өстендә эш:транспорт, җир асты, җир өсте чыгу юлы.светофор,җәяүле сукмагы,тротуар. Балалар бүлмәгә керәләр, исәнләшәләр, тәрбияче янына түгәрәккә басалар. Тәрбияче: Исәнмесез, балалар! Хәерле иртә! Сәламәтлек миңа, сезгә һәм барлык кешегә. Тәрбияче: Балалар, безнең эшчәнлегебезгә кунаклар килде. Әйдәгез, исәнләшик. Балалар: Исәнмесез! Хәерле иртә! – Балалар, сез әкиятләр яратасызмы? (Әйе) – Ә нинди әкиятләр беләсез? (Балаларның җавабы) – Мин сезгә табышмак әйтәм, ә сез аның җавабын әйтерсез: “Амбар төбеннән себерелгән, Иләктән иләнгән, мичтә пешерелгән, Тәрәз төбендә суытылган” . Балалар: Йомры икмәк. Тәрбияче: Күрәм, сез беләсез бу әкиятне. Йомры икмәкнең юлында нәрсәләр очраган? Балалар: Куян, бүре, аю, төлке. Тәрбияче: Бүген мин сезне яраткан йомры икмәк турында яңа әкият белән таныштырам… слайдны карау. Борын-борын заманнарда яшәгәннәр ди урман кырыендагы авылда бер әби белән бабай .Алар икесе генә яшәгәннәр. Бабай: Әллә соң миңа камырдан Кабартма ясап бирәсеңме дип сораган Әби:И атасы, үзем дә гел шул уйны уйлап йөрим. Бабайга – Бар әле, атасы, он кертеп бир әле дип әйткән әби.

Беркетелгән файл